والله لخلي عزتك تحت ماطاي
تمشي وعينك ماتعدا مواطيك
ابيك درس لكل خاين ونساي
وافهمك قدرك وقيمة مباديك
والله لهينك لين تبكي تبي رضاي
ذليل تكسر عين منهو يراعيك
============
عادي معاك ابقى
وعادي اخليك
مثلك مثل غيرك
مجرد صداقه
=============
تنداس دنيا الحب
بتراب تنداس
وينداس قلب
ما وفى مع خويه
=============
اليوم قدرك مايسوى
ماطا الاقــــــدام
حبك بقلبي مــات
وأعلن رحيله
=============
والله اني من فراقك
مابكيت
من زينها دنياك
عشان ابكي عليها
=============
عطني قلم بأكتب على
القلب ناسيك
حتى اليا منه تذكرك ينساك
خلاص عقب اللي حصل منك
مابيك
ومادمت أنا اهنيه فارقني
أهناك
غلطة حياتي يوم تقفي
واناديك
لكن بترجع يوم واقوووول
منااااااااااااااااااااك
==============
عندي سؤال وخابرن فيه
تجريح !!
لكن ضروري
تسمعه بأنبساطي
أرفعك بيدي للسما
ترجع تطيح?
قلي شسوي فيك
لاصرت واطي
===============
بعد الخيانه انتهت رغبتي فيك
وان كنت تذكرنا ترانا نسياك
يشهد علي الله لاحل طاريك
يروق قلبي لكن أذكر سواياك
===============
لاتنصدم لاقلت انا اليوم مابيك
القلب عافك وانتهى اليوم دورك
اعميتني بحبك عسى الله يعميك
ورميتني يازين باعمق بحورك
يالله توكل لاتجيني ولاجيك
يالله حبيبي قوم رتب امورك
==============
آخر رساله
خلها اليوم تذكار
لاعاد تذكرني
تراني نسيتك
==============
لاتكثر بحكيك ترى دربك اشواك
ياحفي الرجلين ثمن كلامك
واذكر زمان اول وايام بلواك
من سنعك للناس وعدل مقامك
لايفلت إلسانك على شخص رباك
انا بنيتك وماني عاجز اهدمك
===============
سمعت باليتيم اللي قدام عينه تموت أمه
يناظر ولا يقدر يبرر دمعة الشفقان
يصرخ خذي روحي بس خليك يايمه
وتموت ويعاني مع الذكر ألم واحزان
كأن احساسي احساسه وما همني همه
هو القدر أخذ أمه وأنا فاقد أعز انسان
===================
الله يرحم حبنا اللي قتلتـــيه
جفت دمومعي والبقا في حيــاتك
ياللاسف كل الاسف مابكيتيه
انتي الغرور اعماك مع حب ذاتك
انتي بديتي الحب وانتي نهيتيه
اقري عليه الفاتحه في صـــلاتك
مرة لبستي الحب مره فصختيه
هذا الهواؤ لاتحسبينه عبـــاتك
======================
قررت انا هجرك وقررت انســـاك
وسديت باب كنت لك هو بنـــيته
ماني بمثل اول احبك واهـــواك
ليت حبي مات من قبل ليتـــه
خلك تحسف موت من حر ماجاك
ياواحسافه على حبي اللي عطيته
======================
دار الزمان وشفت فيه
العجايب
شفت الغلا والبين
والزين والشين
شفت القلوب الحاقده
والحبايب
واللي يعيش بوجه
واللي بوجهين
تلقا الجفا والصد طبع
القرايب
وإلا الوصل والطيب
طبع البعيدين
======================
بحثت عنك ، ولا لقيتك مع الناس .. وين أنت ؟ياللي ماتصون الموّدة
ان كان شح الوصل يازين لاباس .. والله لاجازي صدتك لي بصـــده
======================
أحتجت لك في ضيقتي مالقيتك
وقضيت ليلي بين همي وفرقاك
واليوم جاي تقول لي هاااه جيتك
وش فايدة اني لارقت بلقاك!
======================
لا صارت هذي علومك
راح تخسرني
ماعمر احد راح
من كيفه وناديته
عند الكرامه ابيعك
وانت خابرني
الله وكيلك ترى كل
شي مريته
كانه هجر بالسلامة
روح واهجرني
اخوي وهو اخوي لاصد
عني ماترجيته ..
===================
شفتك مع اللي صار عقبي حبيبك
واحتارت الدمعه بعيني وصديت
=====================
ياللي تقول أنس الذي راح ترتاح
تراك كنك بالمقابر تنادي
اللي وطى الجمرة ومن حرها صاح
يضحك عليه اللي بظل وبرادي
الليل كله ماتهنيت بمراح
يسري بي الهاجس فكل وادي
أستعرض الماضي بحلوه والأملاح
وفلمه على شاشة خيالي يعادي
=======================
راسك علامك رافعه يوم أحاكيك
الظاهر أني فوق حجمك عطيتك
لحظة نبي نرجع دقيقه لماضيك
بذكرك في أي حاله لقيتك
كان الضياع ودمعتينك تخاويك
منهار وفي عز أنهيارك خذيتك
=========================
طلعتي الشيب في راسي قبل حله
أنا اصبغ الشيب وانتي توك بنيه
ياناس دربي عجزت القاه وادله
هالبنت ماهي طبيعية خيالية
لاقلت وش فيه عقلك صابته خله
قالت وهي تلتفت صوبي
كيفي ((سيهاتية))
==========================
برفع قضيه على الدنيا ومافيها
وأول قضيه أبرفعها على حالي
وأبشعل النار في نفسي وأطفيها
وأكشف خفايا الخفايا.. وأفضح اهبالي
خلاص ماني مكحلها ابعميها
احوسها واقلب الأول على التالي
لاتقول ماتقدر تسويها....
صدقني أسويـــــــها...
============================
ياما نصحتك و قلت البنت لعابة،،
تستاهل اللي يجي لك من سبايبها...
شعارها للمحبة "كل شي بحسابه"،،
و إن طحت لا صبتها ولا انت سايبها...
وإن جيت للصدق تراها صدق كذابة،،
و أول دليل <<إني واحد من حبايبها>>
==============================
بكرةإذاقال القدرفي دنيتي قوله
وأرخيت جفني على مركبه وشراعه
الموت بكرةإذا عانقت مرسوله
وأهديت له كل عمري وداعه
وصلتك أوراق بحروف الدم مكتوبه
وتصرخ ياليت ماضيقت صدر(فلان)ساعه
==========================
أنصدمت بوقتها وكني انعميت
كل قطرة دم بعروقي انشفت
وانهدم قدام عيني مابنيت
والظنون الطيبة بلحظة اختفت
.................................................. .......................
أنا أدري أني زليت
و الخطأان بديت
لكن إنت قلبك كبير
بتسامحني و تنسى أني خطيت
============================
لو البحر يغسل قلوب البشر
كان أنا أول من يروح البحر
و يا ريت يقدر يغسل الغرور
اللي بداخلي و أنا أعتذر
============================
أنا أعرف اللي سويته كبير
لكن إنت قلبك أكبر
و حرمت بعد اليوم
أعاند و تحت أمرك بصير
============================
أنا دوم سبب زعلك
و الكل يقول لي ما أحرجك
بس طبعي غلاب يبيك
دوم تسامحه و بالروح يفديك
============================
الناس تقول لي لا تعتذر
و أنا أدري الغلط مني
و جيتك و أنا كلي أمل
ترضى عني و تسامحني
============================
أهديك أجمل وردة
تقول لك حبيبي معذورة
و الغلط و الله ما أعيده
و لو تكرر العفو يا حبيبة
احبك
============================
لو البحر يغسل قلوب البشر
كان أنا أول من يروح البحر
و يا ريت يقدر يغسل الغرور
اللي بداخلي و أنا أعتذر
العاشق الحزين
